كل واحد فى الدنيا دى شايف ان فحياته مشاكل مش عند حد و ملهاش حد ، المفرووض اننا نحس ببعض و نبطل انانيه ، جرب كده و انت ماشى فى الشارع انك تبص على الناس بس تبص بجد شوفهم عاملين ازاى ، شوف الراجل العجوز اللى ماشى يكلم نفسه من الدنيا و بلاويها !!!
ولا شوف اطفال الشوارع بس شيل نظرة الاستحقار و القرف ، بصلهم بقلبك و عقلك مش بعنيك و حاول تتخيل الخلفيه اللى ورا الطفل ده عامله ازاى ؟؟!
يا ترى ده ابن حرام و اتربى فى الشوارع و النوم على الارصفه ؟ ولا ده طفل من ضمن اطفال كتير اتولدوا بغرض امتهان الشحاته و التسول ؟؟!
بس فى الحقيقه ده عمره ما كان ولا هيكون طفل ، ده انسان سرقت طفولته بسبب جشع و طمع اهله - منذوعى القلوب - بس برده نرجع ورا شويه كمان ايه اللى دفعهم و وصلهم انهم يعملوا كده ؟ ايه اسباب تزايد اعداد اطفال الشوارع ؟
اكيد فى اسباب - اسباب غير الفقر - و اكيد فى بدايه و اكيد اكيد فى نهايه ، بس يا ترى نهايتها ايه ؟ هنحاول احنا المجتمع نحتضن الاطفال دى و نرجعلهم حقوقهم الضائعه ؟ ولا نهايتها كل واحد يقوول يلا نفسى و من بعدى الطوفان و المشكله تتفاقم ؟؟!